آه واويلاه مــــــــن عمن ظـــــلوم...بعد مـــا ابويه رقد تحت الــــــــتراب

السلام عليكم ورحمة الله وبركاته

آه واويـلاه مـن عمـن ظلـوم
بعد ما ابويه رقد تحـت التـراب
القمر لو غـاب ماتفيـد النجـوم
وعسى بيتن عقب عمره خـراب
كيف ابهجع وأهتني في حل نـوم
وأمسح ادموعن مثل طش السحاب
بعد ماحكمي على اسرتنـا عمـوم
صرت أنا بعيونهم مثـل الذبـاب
أرتدي للمدرسـه بـرد الهـدوم
وبنت عمي ترتدي أغلى الثيـاب
إن طلبتـه حاجتـن فيهـا لـزوم
صد عني دون يعطينـي جـواب
طال همـي وأغتيابـي واللجـوم
آه يادنيـا التعـاسـه والـعـذاب
ومرحباً يا قبر في كفـن رحـوم
وعسـى يجـزاه ربـي بالثـواب
ليت من قبره ولو ساعـه يقـوم
يشهد اللي صابني بعـز الشبـاب
فوق ماعندي من أحزان وهمـوم
زوجوني شايبـن غـدر الثيـاب
الدقيقـه جنهـا تسعيـن يــوم
ليتني ارقد معـه تحـت التـراب

اخواني الاعضاء سوف اكتب لكم قصة هذه القصيدة . القصة طويلة ولكن سوف اكتبها على حلقات متعددة اعجبتني فأحببت نقلها لكم اتمنى ان تحوز على رضاكم ..

الحلقه الاولى...

عائله حمد..
حمد ابو سهيل متزوج وعنده سهيل عمره ثمان سنين,واليازيه عمرها
ست سنين وما شالله عليها حلوه وفاهمه مع أنها صغيره ,وفاطمه عمرها اربع سنين,وندى عمرها سنتين,ومحمد عمره ست شهور,وزوجته ميثاء..

العم راشد أخو حمد بنته موزه عمرها ست سنين..وزوجته حصه...

المكان:مدينه العين
الوقت إجازه الربيع.

قرر حمد الذهاب بعائلته إلى جميع إمارات الدوله وفي السياره

حمد:شو رايكم من وين نبداء من الفجيره ولا بوظبي..
ميثاء:بنشوف شو راي الاولاد ياحمد بنسوي تصويت وفي خاطرها
تقول ,,الله يستر من هذي الرحله,,هاه من وين نبداء رحلتنا
سهيل وهو يصيح ما يبا يسير ما صدق بالاجازه يبا يلعب فالحاره:أنا
قلتلكم ما بسير بيلس في بيت عمي راشدويلس يصيح.
اليازيه:الراي رايك أبوي
فاطمه بعدها صغيره همها اللعب وتقول:بنثير حديقه هيلي.
ندى راقده.
حمد:خلاص بنسير الفجيره هناك المناظر حلوه وعقب بنكمل شو قلتوا
ميثاء:أوكيه الراي رايك يابوسهيل يعلني ما خلا منك.
حمد:فديتج ياأم سهيل أهم شي راحتكم ماعندي غيركم.
سهيل:أبوي دامك مهتم لراحتنا رجعني بيت عمي راشد دخيلك يا بوي
حمد:لا حول ولا قوه الا بالله,يا ولدي عمك مابيهتم فيك أخوي وانا
أعرفه.
اليازيه :خلاص سهيل لا تزعل كم يوم وبنرجع.
سهيل:أوكيه بس مره ثانيه مابروح معكم.

حمد مطول على المسجل أغنيه عبد الكريم.
مشتريه وبماي عيني ومدلله مشتريه
ويطالع زوجته ويغمزلها و ميثاء منزله راسها ومستحيه
وفجأه بنجر التاير وحاول حمد يسيطر على السياره والكل
يصارخ وخايفين

حمد:تقبظوا أنتبهوا
ميثاء حضنت محمد وهو يالس يصيحوالسياره تفتر يمين ويسار
واليازيه تحاول تمسك فاطمه وندى ويالسه تقرا سوره الافتحه وتدعي
أن الله يسلمهم.
سهيل يصيح:ابوي وقف السياره الله يخليك.

وفجأه انجلبت السياره يمين الشارع وكان المكان كله رمال وعراقيب
وتجمعوا الناس والشرطه على السياره يحاولون يطلعون اللي فالسياره
حولو يطلعون حمد لكنه كان متعور وايد ويقول للناس عيالي ورى الله
الله فيهم وفجأه انقطع صوته أخذه الموت عن عياله,الله يرحمه,وبطلوا الباب اللي ورى وحصلوا اليازيه حاضنه فاطمه وندى وأندهشوا الناس حليلها صغيره وتخاف على أخوانها وطلعوها من السياره واليازيه مغمى عليها وملابسها دم ومتعوره وركبوهم الاسعاف..وشويه يحصلون سهيل طايح حذال السياره ويشيله واحد من الموجودين ويوصله المستشفى ,
ويلسوا الناس يدورون وسمعوا صوت ياهل يصيح وتبعوا الصوت ولقو
محمد وتأثروا من الموقف ميثاء حاضنه محمد وهي متوفيه والدم ينزف منها ومحمد يصيح وويه مغبر وعلى ويهه دم من أمه الله يرحمها.

الضابط:وين الاسعاف حد يشيلهم ويوصلهم المستشفى وأتصلوا على
قرايبهم وخبروهم بالحادث.

^^نهاية الحلقة^^
---------------------
تحياتي
__________________

شارك وكن فاعلا :

* رأس الحكمه مخافة الله ومن ترك لله شيئا عوضه الله خيرا منه
* اذا اردت طرح موضوع منقول ابحث اولا فلربما كان مطروحا
* إذا وجدت مشاركة مخالفه أبلغ الإدارة عن هذه المخالفة
* إذا اعـجـبـك طـرح ما فـلا تبخل بإضافة تـقـيـيـم لـصاحبه
* بادر بإيصال صوتك ولا تنتظر سماعه من الاخرين

ـــــــــــــــــــــــــــــــــــــــــــ
منقووووووووووووووول